Bli med på Vestlandet sin største vikingfestival, den perfekte møteplassen for dei som vil lære meir om vikingane sitt liv og virke. Gjester kan vente seg eit spektakulært program med handverksdemonstrasjonar, kampoppvisningar, musikk og dans, samt få moglegheit til å smake på tradisjonell mat.
Åpningstider, program og priser Kjøp billetter til Vikingfestivalen
Nytt av året er familieforestillinga om kongen si dotter Gunn og dei magiske eplene, med Teatertuttene, som blir vist i Naustet under festivalen. Jan Søren Øydna tar og turen frå Agder for å demonstrere perlemaking. Han har med seg ovn og utstyr og viser korleis vikingane laga perler i perleovn.
Astrid Havn Tranøy
Skramle og Blesækonen frå Danmark er og nye innslag på Vikingfestivalen. Dei har med seg ei vogn med instrumenter av forskjellig slag som dei triller rundt omkring. Dei skal halde to sett med konserter under vikingfestivalen, og ha ein skaldeskule for barn.
Bjørn Erik Nordås
Vikingfestivalen har fokus på familieaktivitetar, og håper mange tar turen desse dagane i juni. Sjå smeden i arbeid, høyr vikingmusikk, eller prøv ulike aktiviteter som bueskyting, hesteriding, gjøgling og teater – alt til ei vidunderleg ang av vikingmat.
Torgeir Henden
Universell utforming
Vikinggarden er dessverre ikkje universelt utforma. Verken stiar eller bygningar er tilpassa personar med funksjonsnedsettingar, sjølv om ein kan kome dit med båt.
For rullestolbrukarar:
Sjølv om Vikinggarden ikkje er fullt tilgjengeleg, klarer mange med rullestol å vitje vikingfestivalen. Med hjelp kan dei kome ned den bratte bakken. Vi har eit tilgjengeleg toalett, men det er vanskeleg å kome inn i dei andre bygningane.