Arne Vigeland var ein norsk bilethoggar. Han har mellom anna utført krigsminnesmerke i Larvik og Nord-Aurdal, Haldensøyla ved bybrua i Halden, samt dekorative keramikkfriser til fleire postkontor i landet.
Vigeland er mest kjent for alle sine dyreskulpturar, som står i parkar, på plassar og i gater i norske byar, inkludert Haugesund og Kopervik her lokalt. Han hadde stor arbeidskapasitet, og kombinerte i over førti år ei stilling i Postverket med jobben som kunstnar.
Utdanninga si tok han ved Statens håndverks- og kunstindustriskole, og ved Statens kunstakademi i Oslo under Wilhelm Rasmussen.
Du kan sjå fleire av arbeida hans i ei samling hos Lindesnes bygdemuseum.
Kjelde: Store norske leksikon
På oppdrag for Karmøy kommune har Absurd film og kunstnar Bernhard Østebø laga formidlingsvideo om Springende rådyr. Videoen er del av ein serie korte videoar om SkulpTurar i Karmøy som du kan finne her.